Weposaete ya Dipholisi tša Yunibesithi e diretšwe go fna ka phihlelelo ya melawana le dipholisi tša yunibesithi. Wepesaete ye e na le tshedimošo ye bohlokwa go thuša bašomi le baithuti ba Yunibesithi ya Theknolotši ya Vaal go kwešiša melawana le dipholisi tša Yunibesithi. Ke maikarabelo a batho ka moka go šupa le go itlwaetša dipholisi ka moka tša yunibesithi. Hle ela hloko gore le ga se lenaneo le le feletšego la dipholisi tša yunibesithi.

Ke mang yo a laolwago ke dipholisi tše? Bašomi, baithuti, dikhamphani tše di dirišanago le rena, le baeti ka moka ba Yunibesithi ya Theknolotši ya Vaal.
Ke mang yo a swanetšego go tseba dipholisi tše? Bašomi, baithuti, dikhamphani tše di dirišanago le rena, le baeti ka moka ba Yunibesithi ya Theknolotši ya Vaal.

Dikgoro/diyuniti di ka hlokomela tokomane ya tlaleletšo ya taolo yeo e šomago fela go kgoro/yuniti yeo e sa thulanego le dipholisi tša yunibesithi. Ditokomane tše bjalo tša taolo ga di tloše dipholisi tša yunibesithi gomme gantši di hwetšagala diweposaeteng tša di-yuniti.