Kamogelo
Re a le amogela letlakaleng la rena la yunibesithi, moo o ka ithutago ka botlalo gore re bomang le gore re emela eng.
Re a go amogela Yunibesithing ya Theknolotši ya Vaal
Leeto
Ngwaga wa 2024 ke sešupo sa mengwaga ye 20 ya go ba gona ga Yunibesithi ya Theknolotši ya Vaal.
Yunibesithi e hlomilwe la mathomo bjalo ka Kholetšhe ya Thuto ya Sethekniki ya Maemo a Godimo ka 1966 gomme ka morago ya fetogela go Technikon ka 1979. Ka peakanyoleswa ya sebopego sa thuto ya godimo, setheo se ile sa ba Yunibesithi ya Theknolotši ka 2004 gomme se bone kgolo ye kgolo medirong le phihlelelong go tloga ka nako yeo. Yunibesithi ga bjale e ikgantšha ka baithuti ba go balelwa go 20 000. Se ke bohlatse bja boikgafo bja setheo go thuto, boitlhamelo, le bokgoni bjo bo phagamego lefapheng la theknolotši. Digopotšo tše bjalo ga se fela tša go naganišiša ka ga dikatlego tša nakong ye e fetilego eupša gape ke go lebelela pele go tšwelopele ya ka moso le go kgatha tema lefaseng la theknolotši le thuto.
Go theoša le mengwaga, VUT e tšwela pele go abelana ka lenaneo le le nabilego la mananeo a thuto tša tlase le tša godimo ao a akaretšago mafapha a Saentshe ya Tirišo le Thutamahlale ya Khomphutha (Applied and Computer Sciences), Boentšineere le Theknolotši (Engineering and Technology), Thutamahlale ya tša Batho le Thutamahlale ya Taolo (Human Sciences and Management Sciences). Motswako wa rena wa go fapafapana wa Mangwalo a Thuto ya Lenaneo/ Programme Qualification Mix (PQM) o hlokomela baithuti ba go fapafapana bao ba nago le dikgahlego le maikemišetšo a go fapafapana.
Mokgwa wa rena wa go ithuta wo o mpshafaditšwego ke baetapele ba dikgopolo bao ba ineetšego le bao ba hlomphegago mo mafapheng a bona ke ka lebaka leo setheo sa rena se dutšego e le moabi wa tsebo mo nageng mo ye mengwagasomengmebeedi. Re keteka ka boikgantšho folaga ye e emišitšwego ke dialoga tša rena tše di hlompšhago ka go bonegela pele ka ga meneelo ye bohlokwa kudu bjalo ka batho bao ba fihleletšego dithuto tša bona, bao ba ilego ba sepela diholong tša rena gomme ga bjale ba šoma ka fao go kgodišago mafapheng a go fapafapana ka mo nageng le boditšhabatšhabeng. Go tloga go ditlabelwa tša boitlhamelo bjo bo nago le khuetšo ye kgolo go fihla go ditulo tša boetapele bjo bo fetolago maphelo a setšhaba, dialoga tša rena di tšwela pele go emela boikemišetšo bja yunibesithi bja go godiša bokgoni le go hlabolla dikgokagano tša bophelo ka moka.
Re hwetšagala lefelong la histori ya Intastriale, re na le pono ya go hlohleletša “Go ithuta le Boitlhamelo bja Mahlale a Ditšhithale le Tšwelopele ye e Swarelelago ya Intastriale le Diphetogo tša Ekonomi ya Selegae”. Morero wa rena ke go tšweletša dialoga tša bogwebi bja theknolotši le boitlhamelo tšeo di tla šušumetšago diphetogo tša go kwagala setšhabeng sa go swarelela le go atlega, intastering le kgwebong. Go fihlelela se, re fana ka go ruta le go ithuta go go okeditšwego ka theknolotši, bophelo bjo bo botse le ditšhaba tša go ithuta, nyakišišo ya khuetšo ya godimo le boitlhamelo bjo bo tšeagokarolo tharollong ya mathata a setšhaba le intasteri.
Ka palomoka ya disenthara tše senyane (9) tša bokgoni le diprofesara tše 14 tšeo di lekanyeditšwego go NRF, VUT e ikgantšha ka go dirišana ga yona le banyakišiši bao ba lekanyeditšwego go NRF bao ba sa tšweletšego feela dinyakišišo tša maemo a lefase tšeo di rarollago mathata a kgonthe a bophelo, eupša gape di matlafatša banyakišiši bao ba nago le kganyogo go tsenela menagano yeo e nago le phihlelo kudu mafapheng a mmalwa a nyakišišo e le baokamedi le bathuši.
We are the only university in South Africa that fully owns a Science and Technology Park which is home to the Technology Transfer and Innovation which is a strategic technology hub that endeavors to promote SMMEs and industrial competitiveness. Its strategic location (Sebokeng), available infrastructure as well as the current entrepreneurial culture make it an ideal implementing agency for driving regional government programmes within the Southern Gauteng region.
The VUT Law Clinic which is also housed at the same precinct, offers free legal services to the indigent members of the Emfuleni community on matters related to Domestic Violence, Maintenance, Divorces, Drafting of Wills, Children’s Court, Social justice issues such as the right to housing and unlawful evictions as well as labour related issues especially unfair dismissal.
Yunibesithi e šoma ka mafolofolo go aga tirišano le diintaseteri go netefatša gore thuto le dinyakišišo di dula di le maleba ebile di a šomišega. Dikamano tše le badirišani go tšwa go intaseri, kgwebo, mekgatlo ya seprofešene le ditšhaba go kgabaganya Afrika Borwa le tšona di humiša maitekelo a rena a tša thuto le dinyakišišo le go oketša dikelo tša mangwalo a rena a thuto.
Tšhomišano le Setšhaba
Tlhokego ya go godiša dikamano tše di nago le mohola magareng ga ditheo tša thuto le ditšhaba tša kgauswi, e bile ntlha ya poledišano mengwageng ya go feta. Ka kgoro ya rena ya go Tšhomišano le Setšhaba, VUT e tšwela pele go kgatha tema ye bohlokwa go tšwetšapele maikarabelo a leago, go tlemana le setšhaba, le tlhabollo ya go ya go ile ditšhabeng tše di nabilego tša kgauswi go hlola khuetšo ye botse le thuto ya go hola batho ka moka. Go tlaleletša go neela morago setšhabeng, maitapišo a bjalo a sepelelana, le go thekgwa ke ye nngwe ya maano a yunibesithi a Dikokwane tša Borutegi bja go Tsenela Leago/thuto ya godimo yeo e kgathalelago setšhaba.